不正式統計，舊年返木廠既日數少於三十日，連帶電費少到管理員叔叔一年先比一次電費單我，仲要唔過千，真係超級低碳。
因為有好幾單野加埋都係d好難烘乾既木種，最後就買左個高頻焗爐，又因為個焗爐，一次過清理堆積好耐既雜物。
一路以來，好多回收樹既project，玩下手都一年半載，最近收既幾批木仲cls，一黎就話三年後先要，內心os出年都可能加租做唔落去，仲三年。所以好多時開好既木，大把時間放係倉等，無咩誘因去買個爐。
突然有個急急地既job，回收台灣相思，想做好d就急住買左國貨，諗返都真心小癲，因為本來唔係searching焗爐，係另一樣唔關事既機
Anyway，硬木一般都可以放係度等乾，反正蟲都咬唔入，但相思又係好衰，個心好硬，但外皮八成都有天牛，見過最細一件200直徑，白皮一寸可以養到祖宗十八代。
機器到埗前後都搞左成個月，除左要兩邊工場走，搞個電都研究左兩個禮拜，一開就跳掣，揾唔到原因，點知係業主隻MCB老化，哭撚左。
暫時開左一機，效果好壞未知，但電工知識+1000